انڈونیشیا: ماہرین نے کورونا تشخیص کیلئے زبردست آلہ ایجاد کرلیا

255

انڈونیشیا کے ماہرین نے کورونا مریض کی سانس کے ذریعے کووِڈ 19 انفیکشن کا پتہ لگانے والا ایک آلہ ایجاد کیا ہے۔

جینز سی 19 نامی اس آلے کو 24 دسمبر کو انڈونیشیا کی وزارت صحت سے تقسیم کا اجازت نامہ مل چکا ہے اور جلد ہی بڑے پیمانے پر تیار کیا جائے گا۔

ریسرچ اور ٹیکنالیوجی کے وزیر بامبنگ بروڈجونیگورو نے ایک مجازی نیوز کانفرنس میں کہا کہ ہم عوامی سطح پر استعمال کیلئے اس آلہ کو فروغ دینے جا رہے ہیں تاکہ معاشی سرگرمیوں میں آسانی اور بہتری آئے جبکہ وائرس کے مزید امکانی پھیلاؤ کو بھی روک سکے۔

وزیر نے مزید کہا کہ گڈجہ مڈا یونیورسٹی میں ایک تحقیقی ٹیم نے گذشتہ نو ماہ کی انتھک محنت سے جینز سی 19 تیار کی ہے تاہم ٹیسٹ کے نتائج کے ذریعہ کسی بھی کیس کا تصدیقی ٹیسٹ باقی رہے گا۔

وزیر نے بتایا کہ اب تک ، کوویڈ ۔19 کا پتہ لگانے کا انحصار اینٹی باڈیز اور بیرون ملک سے درآمد ہونے والے اینٹیجن ٹیسٹوں پر ہے۔ وزارت صحت ریسرچ اینڈ ڈویلپمنٹ ایجنسی میں جینز سی 19 آلے کی صداقت کی جانچ کرے گی تاکہ اس کی درست کارکردگی کو یقینی بنایا جاسکے۔