نماز جنازہ میں شرکت کیلیے جانیوالی گاڑی حادثے کا شکار 6نوجوان دوست جاںبحق

41

مریدکے ( این این آئی)علامہ خادم حسین رضوی کی نماز جنازہ میں شرکت کے لیے جانے والی گاڑی جی ٹی روڈ پر حادثے کا شکار ہو گئی جس کے نتیجے میں6 نوجوان دوست جاں بحق ہو گئے۔ہلاک شدگان میں18سالہ اسامہ ،24سالہ بدر ،22 سالہ علی رضا،28سالہ اجمل،35سالہ شاہد اور 19سالہ مرتضیٰ شامل ہے ۔حادثے کے نتیجے میں 4 دوست موقع پر ہی جبکہ 2اسپتال منتقل کرتے دم توڑ گئے۔ حادثے کے بعد ٹرک ڈرائیور موقع سے فرار ہوگیا۔ ضروری کارروائی کے بعد لاشیں ورثا کے حوالے کردی گئیں ۔