جموں آزاد کشمیر کے صدر سردار مسعود خان نے کہا ہے کہ ہمیں امید ہے کہ جوبائیڈن امریکہ کے صدر منتخب ہونے کے بعد بھارتی افواج کی جانب سے کشمیریوں کے قتلِ عام کو روکنے میں اپنا کردار ادا کریں گے۔
تفصیلات کے مطابق سردار مسعود خان نے جو بائیڈن کو امریکی صدر منتخب ہونے پر مباکباد پیش کی ہے اور نیک تمناؤں کا اظہار کیا ہے۔
سردار مسعود نے جوبائیڈن کو صدر بننے کی مبارکباد کا پیغام دیتے ہوئے کہا کہ دیتے ہوئے کہا کہا کہ مجھے امید ہے کہ نئے امریکی صدر کشمیریوں کے مسائل کے حل کیلئے اور اُن کے قتل عام کو روکنے میں مثبت کردار ادا کریں گے۔
انہوں نے یہ بھی کہا کہ پاکستان اور کشمیری عوام مسئلہ کشمیر کے حل کے لئے امریکہ یا کسی بھی دوسرے ملک کے ذریعہ ثالثی کا خیرمقدم کریں گے بشرطیکہ یہ ثالثی اقوام متحدہ کے زیر نگرانی ہو۔
