واشنگٹن: اسرائیل کے ساتھ وائٹ ہاؤس میں معاہدوں پر دستخط کیلیے بحرین اور متحدہ عرب امارات کے وزرائے خارجہ امریکا پہنچ گئے۔
امریکی میڈیا کے مطابق بحرین کے وزیر خارجہ عبداللطیف الزیانی15 ستمبر کو وائٹ ہاؤس میں متحدہ عرب امارات اور اسرائیل کے درمیان امن معاہدے پر دستخط کی تقریب میں شرکت کریں گے، تقریب میں امریکی صدر ڈونلڈ ٹرمپ، امارات کے وزیر خارجہ و بین الاقوامی تعاون شیخ عبداللہ بن زائد آل نہیان ، اسرائیلی وزیر اعظم بنیامین نیتن یاہو اور امریکی حکومت کے سینئر عہدے داران موجود ہوں گے۔
اس سے قبل گزشتہ روز اماراتی وزیر خارجہ شیخ عبداللہ بن زائد آل نہیان اسرائیل کے ساتھ امن معاہدے پر دستخط کی تقریب میں شرکت کے لیے واشنگٹن پہنچے تھے۔
یاد رہے کہ دو روز قبل بحرین، امریکا اور اسرائیل کی جانب سے مشترکہ بیان جاری ہوا تھا،جس میں بحرین اور اسرائیل کے درمیان مکمل سفارتی تعلقات کے قیام پر اتفاق ہوا۔
دوسری جانب بحرین کے فرماں روا شاہ حمدبن عیسی، ڈونلڈ ٹرمپ بحرین اور اسرائیل کے درمیان نارمل تعلقات استوار کرنے پر آمادہ ہیں جبکہ اسرائیلی وزیراعظم نیتن یاہو بھی واشنگٹن پہنچ چکے ہیں۔
یاد رہے کہ متحدہ عرب امارات اور بحرین کے اسرائیل کے ساتھ سفارتی تعلقات کی بحالی پر فلطنیوں کی جانب سے سخت ردعمل کا سامنہ ہے جبکہ ایران، ترکی سمیت دیگر کئی ممالک نے اس اقدام کی مذمت کی ہے۔
اسرائیل یواے ای معاہدہ، تعلقات بحالی پر دستخط امریکا میں
واشنگٹن: اسرائیل اور متحدہ عرب امارات کے مابین تعلقات کو معمول پر لانے کے معاہدے پر 22 ستمبر کو امریکی دارالحکومت میں تقریب کے دوران باضابطہ دستخط کیے جائیں گے۔
اسرائیلی خبررساں ادارے چینل 12 کی خبر کے مطابق وائٹ ہاؤس میں منعقد ہونے والی اس تقریب میں صدر ڈونلڈ ٹرمپ، اسرائیلی وزیراعظم بینجمن نیتن ہاہو اور ابوظہبی کے ولی عہد پرنس محمد بن زید النہیان شرکت کریں گے۔
اس سے قبل میڈیا رپورٹس کے مطابق عرب لیگ کے دیگر ممالک کو بھی اسرائیل تسلیم کرانے کے بعد اس تقریب میں شرکت کرانا تھی لیکن خلیجی ممالک میں اسرائیل کو تسلیم کرنے کے حوالے سے عوامی دباؤ پر حکمران ناکام رہے۔
دوسری جانب رپورٹ میں کہا گیا ہے کہ سن 1993 میں اسرائیل اورفلسطین کے مابین طے پانے والےاوسلو معاہدے کی سالانہ یاد یعنی 13 ستمبر کو معاہدے پر دستخط کیے جانے کی منصوبہ بندی کی گئی تھی۔
