بجلی کی قیمتوں میں اضافہ ظلم ہے،شہباز شریف

226

لاہور: قائد حزب اختلاف شہباز شریف نے بجلی کی قیمتوں میں اضافے کو ظلم قرار دے دیا۔

اپوزیشن لیڈر قومی اسمبلی شہبازشریف نے کے الیکٹرک کی جانب سے شہر قائد میں غیر اعلانیہ لوڈشیڈنگ سے متعقلق اپنے بیان میں کہا ہے کہ کراچی میں بجلی کی فراہمی میں قلت اور قیمتوں میں اضافہ ظلم ہے۔

شہباز شریف نے کہا کہ اضافی گیس ملنے کے باوجود بجلی کی پیداوار میں قلت صرف نااہلی ہے،لوڈشیڈنگ اور بجلی کے بلوں میں ظالمانہ اضافے پر حیرت ہے، بجلی کی لوڈشیڈنگ کی شکایات میں اضافہ صرف نااہلی اور بدانتظامی ہے۔

قائد حزب اختلاف کا مزید کہنا تھا کہ حکومت ہر روز عوام کے صبر کا کڑا امتحان لے رہی ہے، حکومت ظالمانہ اقدامات سے ظلم کی تبدیلی لائی ہے،عوام کورونا، معیشت کی تباہی اور بیروزگاری سے دوچار ہیں۔