‘کورونا وائرس،عید کا موقع ہمارے لیے امتحان ہے’

238

مشیر اطلاعات خیبرپختونخوا اجمل وزیر کا کہنا ہے کہ عید کا موقع ہمارے لیے امتحان ہے طیارہ حادثہ اور کورونا کے باعث  حکومت نے عید سادگی سے منانے کا فیصلہ کیاہے۔

پشاور میں پریس کانفرنس کرتے ہوئے انہوں نے کہا کہ کورونا کے بعد اپنی جانوں کی پرواہ نہیں کی، عوام کے تحفظ کے لیے اسپتال گئے، حکومت نے دن رات ایک کردیا ، اپنی جان کی پرواہ کیے بغیر اقدامات کیے۔

 اجمل وزیر نے کہا کہ عید کا موقع ہمارے لیےٹیسٹنگ کیس ہے احتیاطی تدابیر پر عمل کیا تو کورونا کو شکست دیں گے اگر عید پر سماجی فاصلہ برقرار نہ رکھا اور ایس او پیز پر عملدرآمد نہ کیا تو حالات بگڑ جائیں گے، صورتحال خراب ہوئی تو عید کے بعد سخت لاک ڈاؤن کرنا پڑے گا۔

ان کا کہنا تھا کہ اٹلی جیسےملک میں ہیلتھ سسٹم چوک ہوگیا،اللہ کےکرم سےپاکستان میں ایسانہیں ہوا مگر عوام کو کورونا کےخلاف جدوجہد میں ساتھ دینا پڑےگا۔