شہر قائد میں سی این جی اسٹیشنز کھل گئے

320

شہر قائد سمیت سندھ بھر میں سی این جی اسٹیشنز کو 12 گھنٹوں کیلئے گیس بحال کر دی گئی۔

سوئی سدرن گیس کمپنی نے ایک ہفتے کے بعد کراچی سمیت سندھ بھر میں سی این جی اسٹیشنزکے لیے صبح 8 بجے سے رات 8 بجے تک کیلئے گیس بحال کر دی ہے۔

سوئی سدرن گیس کمپنی کے مطابق آئندہ کے شیڈول کا اعلان گیس پریشر کی صورتحال کو مد نظر رکھ کر کیا جائے گا۔

واضح رہے کہ کراچی سمیت سندھ بھر میں سردی کی کمی کے باوجود گیس بحران پر قابو نہ پایا جاسکا، گیس کے پریشر میں کمی کی وجہ سے گھریلو صارفین شدید مشکلات کا شکار ہیں۔