جنرل ریٹائرڈ پرویز مشرف کی سنگین غداری کیس میں سزائے موت کا تفصیلی فیصلہ جمعرات کے روز جاری ہوگا
میڈیا رپورٹ کے مطابق اسلام آباد کی خصوصی عدالت کی جانب سے سنگین غداری کیس میں سابق صدر جنرل ریٹائرڈ پرویز مشرف کو سنائی گئی سزائے موت کا تفصیلی فیصلہ جمعرات کے روز دن 12 بجے جاری کیا جائے گا ۔
اسلام آباد کی خصوصی عدالت نے 17 دسمبر کو سابق صدر جنرل ریٹائرڈ پرویز مشرف کو سنگین غداری کیس میں سزائے موت کا حکم سنایا تھا ۔عدالت نے اپنے مختصر فیصلے میں سابق آرمی چیف جنرل پرویز مشرف پر آئین معطل کرنے اور اسے توڑنے ، آئین میں غیر قانونی ترامیم کرنے ،ججز کو نظر بند کرنے اور غیر آئینی پی سی او جاری کرنے کے جرم میں آرٹیکل 6 کے تحت سزائے موت کا فیصلہ سنایا تھا ۔