مقبوضہ کشمیر میں مظالم ،بھارتی صحافی نے پردہ چاک کردیا

208

سرینگر: بھارتی صحافی نے مقبوضہ کشمیر میں بھارتی فورسز کے مظالم کا پردہ چاک کردیا ۔

 بھارتی صحافی رعنا ایوب نے سماجی رابطے کی ویب سائٹ ٹوئٹر پر جاری اپنےپیغام میں کہا کہ مقبوضہ کشمیر سے ابھی لوٹی ہوں، مقبوضہ وادی میں جو دیکھا وہ اس سے پہلے کبھی نہیں ہوا ہوگا۔ بھارتی فورسز کی جانب سے 12 سالہ بچے کو حراست میں لے کر پیٹا جا رہا تھا، خواتین کے ساتھ زیادتی کی جارہی ہے ۔

رعنا ایوب نے بھارتی فوج کے مظالم سے پردہ اٹھاتے ہوئے کہا کہ لڑکوں کو بجلی کے جھٹکے دئیے جارہے ہیں، کیا یہ سب معمول کے مطابق ہے ۔ انہوں نے کہا کہ کشمیریوں کے اندر بھارتی میڈیا کیلئے  جو غصہ اور نفرت ہے وہ پہلے کبھی نہیں دیکھی ہے۔