راولپنڈی میں ہفتے کو عام تعطیل ،تعلیمی ادارے بند ہوں گے

491

 حضرت امام حسین کے چہلم کے موقع پر ضلع راولپنڈی میں ہفتہ کو  عام تعطیل  ہو گی ۔ ڈپٹی کمشنر راولپنڈی کی جانب سے جاری نوٹی فیکیشن کے مطابق ہفتہ کو راولپنڈی میں عام تعطیل کے موقع پر یونی ورسٹیز ، اسکولز اور کالجز بند ہونگے۔ 

تعطیل کا اطلاق نجی اور سرکاری تعلیمی اداروں پر ہوگا۔ جاری نوٹی فیکیشن میں کہا گیا ہے کہ 17 ستمبر کو چہلم شہدا کربلا پر شہری حدود میں عام تعطیل ہوگی۔ 

دوسری جانب اسلام آباد پولیس کی جانب سے بھی شہدا کربلا کے چہلم پر ٹریفک پلان جاری کردیا گیا ہے۔