پونے: آئی سی سی ورلڈکپ میں انگلینڈ نے نیدر لینڈز کو 160 رنز سے شکست دے دی۔
پونے میں کھیلے گئے آئی سی سی کے ورلڈکپ کے 40 ویں میچ میں انگلینڈ کے کپتان جوز بٹلر نے نیدرلینڈز کیخلاف پہلے بیٹنگ کا فیصلہ کیا تھا، انگلینڈ نے مقررہ 50 اوورز میں 9 وکٹوں کے نقصان پر 339 رنز بنائے، بین اسٹوکس 108 رنز کی اننگز کھیل کر نمایاں رہے۔ان کی 84 گیندوں پر مشتمل اننگز میں 6 چھکے، 6چوکے شامل تھے۔
اس کے علاہ ڈاڈ ملان 87 اور کرس ووکس نے 51 رنز اسکور کیے، جونی بیرسٹو 15، جو روٹ 28 ، ہیری بروک 11 اورکپتان جوز بٹلر صرف 5 رنز بناکر پویلین لوٹ گئے۔ نیدرلینڈز کی جانب سے باسڈی لیڈا نے 3وکٹیں حاصل کیں جبکہ آریان دت اور لوگن وان بیک نے 2، 2 اور میکارین نے ایک وکٹ لی۔
انگلینڈ کے 340 رنز کے تعاقب میں نیدر لینڈز کی پوری ٹیم 37.2 اوورز میں 179 رنز پر آوٹ ہوگئی۔نیدرلینڈ کی جانب سے اسکاٹ ایڈورڈز 38 ، ویسلے بریسی 37 اور سائبرانڈ 33 رنز بناکر نمایاں رہے، اس کے علاوہ باسڈی لیڈا 10 ، میکس او ڈوڈ 5 اور میکارین نے 4 ،کولن ایکرمین اور وین ڈر میروی صفر پر آوٹ ہوئے جبکہ وان بیک 2 اور آریان دت ایک رن بنا سکے۔تیجا ندا منورو 41 رنز کے ساتھ ناٹ آٹ رہے لیکن اپنی ٹیم کو کامیابی نہ دلواسکے۔انگلینڈ کے معین علی اور عادل رشید نے 3، 3 کھلاڑیوں کو آوٹ کیا۔
