دبئی:عید الاضحی کے موقع پر دبئی کے سپر اسٹورز میں اشیا 90 فیصد تک سستی کردی گئیں، سپر سیل اتوار تک جاری رہی۔
غیر ملکی خبر رساں ادارے کے مطابق دبئی کی یہ تین روزہ سپر سیل ہر شاپنگ کے شوقین فرد کا خواب ہے۔ گرمیوں کی تعطیلات اور آنے والی عید الاضحی کے تہواروں کی خریداری سے لے کر بیک ٹو اسکول تک، شاپنگ سیل دبئی کے رہائشیوں اور سیاحوں کی ضروریات کو پورا کرتی ہے۔
اِس تین روزہ سپر سیل کا آغاز جمعے کو ہوا جس روز خریداروں کی لمبی قطاریں لگ گئیں۔ سپر سیل اتوار تک جاری ر ہی جس میں خریداروں کو کسی بھی اشیا پر 90 فیصد تک رعایت دی گئی۔
دبئی میں موجود کیرفور کے ایک سیلز پرسن نے اس حوالے سے بتایا کہ اس طرح کے ڈسکاونٹ والے دنوں میں الیکٹرانکس، موبائل، سوٹ کیس، بچوں کے لوازمات، گھریلو آلات اور گھر کی سجاوٹ جیسی چیزیں سب سے زیادہ فروخت ہو ئی ہیں۔
