کراچی: شہر قائد سمیت سندھ بھرمیں بارشوں کے بعد نکاسی آب نہ ہونےکی وجہ سے مچھروں کی افزائش میں اضافہ ہوگیا ہے جس کی وجہ سے ڈینگی اور ملیریا پھیلنا شروع ہوگیا ہے۔
محکمہ صحت کےمطابق کراچی میں جولائی کے دوران ڈینگی کے 239کیسزرپورٹ ہوئے۔کراچی کےضلع جنوبی میں ملیریا کے292 کیسز،وسطی میں 62، کورنگی میں 54،ملیر میں 48 اورغربی میں 59 کیسز رپورٹ ہوئے۔
رواں سال کراچی میں 867 کیسز رپورٹ ہوئے ہیں جبکہ رواں ماہ حیدرآباد ڈویڑن میں 27 اورمیر پورخاص ڈویڑن میں 12 کیسز رپورٹ ہوچکے ہیں۔سندھ بھرمیں ڈینگی کے رواں سال 1154 کیسز رپورٹ ہوئے ہیں۔
ماہرین کا کہنا ہے کہ اسپرےنہ کیاگیاتوڈینگی وبائی شکل اختیارکرسکتا ہے۔
