غزہ :امریکی صدر بائیڈن کے دورے کے بعد اسرائیلی لڑاکا طیاروں نے فلسطین کے علاقے غزہ پٹی میں متعدد مقامات پر بمباری کی، اسرائیلی حکام نے الزام لگایاکہ یہ بمباری غزہ کی پٹی سے اسرائیل کی جانب دو راکٹ داغے جانے کے جواب میں کی گئی۔
اسرائیلی فوجی حکام نے الزام لگایاکہ فلسطین کے علاقے غزہ سے اسرائیل پر دو راکٹ جمعہ کی شام اس وقت داغے گئے تھے جب امریکی صدر جو بائیڈن اسرائیلی دورے کے اختتام پر سعودی عرب روانہ ہوئے تھے۔
اسرائیلی فوج کے مطابق اس نے وسطی غزہ میں راکٹ بنانے والی ایک مشتبہ فیکٹری پر بمباری کی ہے جو حماس کے زیر انتظام چلائی جا رہی تھی۔
