انڈونیشیا : سیاحوں سے بھری بس کھمبے سے ٹکرا گئی‘ 14 افرا د ہلاک

جکارتا (انٹرنیشنل ڈیسک) انڈونیشیا میں سیاحوں کی بس سڑک کنارے نصب بل بورڈ کے کھمبے سے ٹکراگئی ، جس کے نتیجے میں 14 افراد ہلاک اور 19 زخمی ہوگئے۔ خبر رساں ادارے کے مطابق انڈونیشیا کے صوبے جاوا میں معروف تفریح گاہ ڈینگ پلوٹو سے واپسی پر ڈرائیور کی آنکھ لگ گئی اور بس بل بورڈ کے کھمبے سے جاٹکرائی۔ حکام کا کہنا ہے کہ زخمیوں میں سے 5 کی حالت نازک ہے ،جس کے تناظر میں ہلاکتوں میں اضافے کا خدشہ ہے۔ متاثرین میں غیرملکی سیاح بھی شامل ہیں۔