افغانستان سے پاکستان اسمگل ہونے والے نیٹو کے اسلحے کی کھیپ پکڑی گئی۔ کسٹمز حکام نے خیبرپختونخوا کے دارالحکومت کارروائی کرتے ہوئے امریکی اور ایساف فورسز کے زیر استعمال اسلحہ قبضے میں لے لیا۔صوبہ خیبرپختونخوا کے دارالحکومت پشاور میں کسٹمز حکام نے غیرملکی اسلحہ کی اسمگلنگ کے خلاف کارروائی کرتے ہوئے نیٹو کے زیر استعمال اسلحہ قبضے میں لے لیا۔کسٹم حکام نے کہا کہ امریکی اور ایساف فورسز کے زیر استعمال اسلحہ افغانستان سے پاکستان اسمگل کیا جارہا تھا۔کسٹم حکام نے غیرملکی اسلحے کی اسمگلنگ سے متعلق بتایا کہ اسلحہ استعمال شدہ ہے اور ساید افغانستان میں سرینڈر شدہ افراد کا ہے۔اس سے قبل بھی کسٹم حکام کی جانب سے غیرملکی اسلحے کی اسمگلنگ کے خلاف کارروائیاں عمل میں آتی رہی ہیں، ماضی میں کسٹم اہلکاروں نے پشاور سے کراچی اسمگل ہونے والی غیرملکی اسلحے کی بڑی کھیپ پکڑی تھی۔غیر ملکی اسلحے میں 350سے زائد شاٹ گن، آٹو میٹک گن ،پستول اور 55ہزار گولیوں کے رانڈ شامل تھے۔
