اسلام آباد:ملک میں کورونا کے بڑھتے کیسز کے پیشِ نظر تعلیمی اداروں سے متعلق 13جنوری بروز جمعرات کو ہونیوالا بین الصوبائی وزرائے تعلیم کااجلاس اگلے ہفتے تک ملتوی کردیا گیا۔ وزارت تعلیم کی جانب سے جاری اعلامیے کے مطابق ملک میں کورونا کے بڑھتے کیسز اور اومی کرون ویرینٹ کے پھیلاؤ کو دیکھتے ہوئے تعلیمی ادارے کھلے یا بند رکھنے سے متعلق فیصلے کے لیے بین الصوبائی وزرائے تعلیم کا اجلاس وفاقی وزیر تعلیم شفقت محمود کی زیر صدارت13 جنوری بروز جمعرات کو صبح 11بجے طلب کیا گیا تھا تا ہم یہ اجلاس کچھ وجوہات کی بناء پر اگلے ہفتے تک ملتوی کردیا گیا جس کا نوٹیفکیشن جاری کردیا گیا ہے۔