برطانوی وزیر خارجہ کی فوجی مشقوں میں شرکت

127

تالین (انٹرنیشنل ڈیسک) برطانوی وزیر خارجہ لز ٹرس نے ایسٹونیا میں برطانوی افواج کی مشقوں میں شرکت کی۔ سوشل میڈیا پر وائرل ہونے والی تصاویر میں انہیں فوجی وردی میں ایک ٹینک پر سوار دیکھا جاسکتا ہے۔ اپنے دورے کے دوران لز ٹرس نے روس پربلقان میں انتشار انگیزی کا الزام لگایا اور کہا کہ روسی صدر ولادیمیر پیوٹن اگر یوکرائن پرحملے کی قیادت کریں گے تو یہ ان کی بھیانک غلطی ہوگی۔ انہوں نے ماسکو کے ان الزامات کو بھی مسترد کر دیا کہ نیٹو پہلے سے کام کر رہا ہے۔ اس سے قبل بھی لندن حکومت کی جانب سے یوکرائنی باغیوں کے علاقوں میں روسی فوج کی مشقوں پر سخت ردعمل کا اظہار کیا گیا تھا۔