ٹرمپ انتظامیہ کی “زیرو ٹالرینس” کی امیگریشن پالیسی کے تحت الگ ہونے والے والدین اور بچے دیرپا نفسیاتی صدمے کا شکار ہورہے ہیں، یہاں تک کہ مل جانے کے بعد بھی، ایک نئی تحقیق سے پتہ چلا ہے۔
2017 اور 2018 کے درمیان اس پالیسی کے تحت 5,000 سے زیادہ بچوں کو امریکہ-میکسیکو سرحد پر ان کے والدین سے الگ کیا گیا، جس کا مقصد پناہ کے متلاشیوں کی روک تھام تھا۔
اس عمل کو انسانی حقوق کے گروپوں اور طبی ماہرین نے غیر انسانی قرار دیتے ہوئے اس کی مذمت کی تھی، ساتھ ہی امریکن اکیڈمی آف پیڈیاٹرکس نے اسے “حکومت کی طرف سے بچوں کے ساتھ بدسلوکی” قرار دیا تھا۔
بالآخر عدالتوں میں اس پالیسی کو منسوخ کردیا گیا تاہم کہانی ابھی ختم نہیں ہوئی. بائیڈن انتظامیہ کی قائم کردہ ٹاسک فورس کے مطابق ابھی تک 1,800 سے زیادہ بچے اپنے والدین سے الگ ہیں اور امریکی وفاقی حکومت ابھی تک خاندانوں کو معاوضہ دینے کے طریقہ کار پر بات چیت کر رہی ہے۔
محققین نے پایا کہ سرحد پر الگ ہونے والے 25 خاندانوں میں سے تقریباً تمام والدین اور بچے نفسیاتی تشخیص کے معیار پر پورا اترتے ہیں حالانکہ وہ دوبارہ اکٹھے ہوچکے ہیں۔
