آزاد تجارت کا عالمی سمجھوتا ’’آرسیپ‘‘ جنوری میں نافذ ہوگا

ٹوکیو (انٹرنیشنل ڈیسک) تجارت سے متعلق 15ممالک کے درمیان آرسیپ معاہدہ جنوری میں نافذ ہوجائے گا۔ خبررساں اداروں کے مطابق علاقائی جامع اقتصادی شراکت داری سمجھوتے میں ایشیا بحرالکاہل کے 15 ممالک شامل ہوں گے۔ اس سمجھوتے پر جاپان، چین، جنوبی کوریا، آسٹریلیا اور نیوزی لینڈ نے جنوب مشرقی ایشیائی ممالک کی تنظیم، آسیان کے 10 رکن ممالک کے ساتھ گزشتہ برس نومبر میں دستخط کیے تھے۔