سمندر پار پاکستانیوں کو سہولیات فراہم کرنے کی پالیسی پر گامزن وفاقی حکومت کا ایک اور زبردست اقدام سامنے آگیا۔
حکومت نے اوورسیز پاکستانیوں کے لیے روشن اپنا گھر پروگرام لانے کا فیصلہ کیا ہے۔ سینیٹر فیصل جاوید کے مطابق وزیر اعظم عمران خان جمعہ کو روشن اپنا گھر منصوبہ لانج کریں گے۔
انہوں نے کہا کہ اب اوور سیز پاکستانی گاڑی کے ساتھ گھر بھی خرید سکیں گےیہ منصوبہ وزارت خزانہ اور اسٹیٹ بینک کے اشتراک سے شروع کیا جا رہا ہے۔
On this Friday insha'ALLAH PM Imran Khan will address a ceremony in connection with launching of #RoshanApnaGhar and also Roshan Digital Accounts reaching $2 Billion deposits mark in mere 11 months.
Hats off to our overseas Pakistanis for their phenomenal response.— Faisal Javed Khan (@FaisalJavedKhan) August 24, 2021
واضح رہے کہ حکومت پاکستان کے روشن ڈیجیٹل اکاؤنٹ اقدام کو بیرون ملک مقیم پاکستانیوںکی جانب سے زبردست پذیرائی حاصل ہورہی ہے۔
ایک ٹوئٹ میں وزیر اعظم کا کہنا تھا کہ سمندر پار پاکستانیوں نے اسٹیٹ بینک کے روشن ڈیجیٹل اکاؤنٹس کے حوالے سے بھرپور دلچسپی کا مظاہرہ کیا ہے اور سمندرپار پاکستانیوں کا بیرون ملک سے رقوم بھجوانے کے تسلسل میں اضافہ ہو رہا ہے۔