چین میں پہلی بار کسی انسان میں مرغیوں میں پائے جانے والے وائرس برڈفلو کی تشخیص ہوئی ہے جبکہ چین کے ہیلتھ کمیشن کے مطابق وائرس کے پھیلاؤ کا زور کم ہے اور یہ دوسرے لوگوں میں منتقل نہیں ہوسکے گاـ
میڈیا رپورٹ کے مطابق 41 سالہ چینی شخص کو بخار کی علامات کے ساتھ ہسپتال میں داخل کیا گیا تھا جہاں اس کا ٹیسٹ کیا گیا- حیران کن طور پر ٹیسٹ کے نتیجے میں خون میں میں برڈ فلو کے اثرات نمایاں تھے-
ڈاکٹر کا کہنا ہے کہ مریض کا علاج جاری ہے جبکہ اسے قرنطینہ میں رکھا گیا ہے تاہم اس کی جان کو کوئی خطرہ نہیں ہے-
یاد رہے کہ اس سے قبل 2013 میں بھی جانوروں میں پائے جانے والا وائرس انسانوں میں منتقل ہوگیا تھا جس سے 1 ہزارسے زائد افراد متاثر ہوئے تھے-
