لاہور: وزیر اعلیٰ پنجاب کی معاون خصوصی برائے اطلاعات فردوس عاشق اعوان نے کہاہے کہ ماں سے اظہار محبت کسی ایک دن تک محدود نہیں ہوسکتا۔
آج دنیا بھر میں ماں سے محبت کے اظہار کا دن منایا جارہا ہے۔ حقیقت تو یہ ہے کہ ماں سے اظہار محبت کسی ایک دن تک محدود نہیں ہوسکتا۔ ماں وہ ہستی ہے جو ہر وقت اولاد کے گرد دعاؤں کا حصار بنا رکھتی ہے اور کسی بھی قیمت پر اپنی اولاد کو مشکل میں نہیں دیکھ سکتی۔
— Dr. Firdous Ashiq Awan (@Dr_FirdousAwan) May 9, 2021
سماجی رابطے کی ویب سائٹ ٹویٹرپر بیان میں ماں کے عالمی دن کے حوالے سے بیان میں کہاکہ ماں سے اظہار محبت کسی ایک دن تک محدود نہیں ہوسکتا۔
انہوں نے کہا کہ ماں وہ ہستی ہے جو ہر وقت اولاد کے گرد دعاؤں کا حصار بنا رکھتی ہے اور کسی بھی قیمت پر اپنی اولاد کو مشکل میں نہیں دیکھ سکتی۔
انہوں نے مزید کہا کہ یقینا ماں کی کمی کسی انسان کی زندگی کا سب سے بڑا نقصان ہے، ماں اس ہستی کا نام ہے جسکا اس زمین پر کوئی نعم البدل ہو ہی نہیں سکتا۔
معاون خصوصی کا کہنا تھا کہ دکھوں اور مشکلات کو اپنی ذات تک محدود رکھ کر اپنے حصے کی خوشیاں بھی اپنے بچوں کے نام کرنے والی تمام عظیم ماؤں کو سلام!۔
