اوگرا نے پیٹرولیم مصنوعات کی قیمتوں میں 20 روپے7پیسے اضافے کی تجویز دے دی حتمی فیصلہ آج ہوگا۔
آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں 20 روپے 7 پیسے اضافے کی تجویز دے دی اور سمری پیٹرولیم ڈویژن کو ارسال کردی ہے۔
نجی ٹی وی ذرائع کے مطابق اوگرا نے پیٹرول کی فی لیٹر قیمت میں 20 روپے7 پیسے، ڈیزل کی فی لیٹرقیمت میں 19 روپے 61 پیسے اضافے کی تجویز دی ہے۔
ذرائع کے مطابق فی لیٹر پیٹرول پر موجودہ عائد لیوی 17 روپے 97 پیسے جبکہ فی لیٹر ڈیزل پر موجودہ عائد لیوی 18 روپے 36 پیسے ہے اور موجودہ پیٹرولیم لیوی کی بنیاد پرپیٹرول ڈیزل کی قیمت 6 روپے فی لیٹر بڑھے گی۔
پیٹرولیم مصنوعات میں رد و بدل کا حتمی فیصلہ وزارت خزانہ وزیراعظم عمران خان کی مشاورت سے آج کرے گی۔