سوات اور نواحی علاقوں میں 5.2 شدت کے زلزلے کے جھٹکے محسوس کیے گئے ہیں۔
تفصیلات کے مطابق سوات، کوہستان، مانسہرہ، ایبٹ آباد اور گلیات میں زلزلہ کے جھٹکے محسوس کیے گئے ہیں تاہم زلزلے کا مرکز پاک افغان سرحدی علاقے میں دس کلومیٹر گہرائی میں تھا۔
زلزلہ پیما مرکز کے مطابق ریکٹر اسکیل پر زلزلے کی شدت 5 اعشاریہ 2 ریکارڈ کی گئی ہے جبکہ زلزلے کا مرکز ہندوکش رینج اور گہرائی 123 کلو میٹرتھی۔
دوسری جانب زلزلے کے باعث شہریوں میں شدید خوف وہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے، رپورٹس کے مطابق زلزلے کے نتیجے میں کسی جانی ومالی نقصان کی اطلاع نہیں ملی.
