امریکی صدارتی انتخابات کے بعد پہلی مرتبہ برطانوی وزیر اعظم بورس جانسن اور نئے امریکی صدد جوبائیڈن کے درمیان ٹیلی فونک رابطہ ہوگیا۔
غیر ملکی ذرائع ابلاغ کے مطابق پہلی ٹیلی فونک گفتگو میں بورس جانسن نے جوبائیڈن کو امریکا کا صدر منتخت ہونے پر مبارک باد پیش کی۔
یہ بھی پڑھیں: جوبائیڈن سب سے پہلے کس عالمی رہنما سے ملاقات کریں گے؟
دونوں رہنماؤں نے کورونا وائرس سے نمٹنے کے لیے بھرپور تعاون جاری رکھنے کے عزم کا اظہار کیا۔
Great to speak to President @JoeBiden this evening. I look forward to deepening the longstanding alliance between our two countries as we drive a green and sustainable recovery from COVID-19. pic.twitter.com/Y4P3G74PPz
— Boris Johnson (@BorisJohnson) January 23, 2021
برطانوی وزیراعظم نے امریکی صدر جوبائیڈن کے ساتھ پہلی ٹیلی فونک گفتگو کی تصور شیئر کرتے ہوئے اپنے ٹوئٹر پیغام میں لکھا کہ “امریکی صدر جوبائیڈن سے بات چیت کر کے اچھا لگا۔”
بورس جانسن نے کہا کہ دونوں ممالک کے درمیان گہرے تعلقات قائم رکھنے کا خواہش مند ہوں۔ دونوں ممالک نے کورونا وائرس سے قابل تعریف کامیابیاں حاصل کیں۔
امریکی وائٹ ہاؤس نے بھی رابطے کی تصدیق کرتے ہوئے کہا کہ بورس جانسن اور جوبائیڈن نے ٹیلی فونک گفتگو میں باہمی تعاون، موسمیاتی تبدیلیوں اور کووڈ-19 سے نمٹنے سے متعلق گفتگو کی۔