امریکی ریاست کیلی فورنیا کے جنگلات میں لگی آگ بےقابو، آگ نے جنگلا ت کا 22 ہزار ایکڑ رقبے کو لپیٹ میں لے لیا ہےجس کے باعث سیکڑوں افراد متاثر ہیں جبکہ ہزاروں جانور ہلاک ہوچکے ہیں۔
امریکی ریاست کیلی فورنیا میں آتشزدگی کے باعث 12 افراد زخمی ہو گئے ہیں تاہم ریسیکو ٹیموں کی جانب سے مزید زخمیوں کو نکالنے کا سلسلہ جاری ہے۔
جنگلات میں لگی آگ سے متاثرہ علاقے میں پھنسے 200 سے زائد افراد کو ہیلی کاپٹروں کے ذریعے نکالا گیا۔
کیلی فورنیا کے جنگلات میں آگ تقریبا 900 سے زائدمقامات پر لگی ہے جس سے 3 ہزار سے زائد مکانات کو نقصان پہنچا ہے جبکہ ہزاروں جانور صفِ ہستی سے مٹ چکے ہیں۔
ریسکیو حکام کا کہنا ہے کہ علاقے میں جلے ہوئے گھر جابجا نظرآرہے ہیں جبکہ کچھ عرصہ قبل موجود سرسبز جنگل اب خاک آلود ویرانے کا منظر پیش کر رہا ہے۔
دوسری جانب اب تک مختلف حادثات میں 8 افراد ہلاک ہو چکے ہیں۔
جنگلات میں آگ لگنے کی شدت کے بعد متاثرہ رقبے کے نزدیکی شہروں میں درجہ حرارت 49 ڈگری سے تجاوز کرچکا ہے۔
