آسٹریلیا نے ویسٹ انڈیز کے ساتھ ٹی 20 سیریز ملتوی کردی

377

کرکٹ آسٹریلیا نے آئی پی ایل اور کورونا وائرس کے پیش نظر آسٹریلیا اور ویسٹ انڈیز کے مابین اکتوبر میں شیڈول ٹی 20 سیریز ملتوی کردی۔

کرکٹ آسٹریلیاکے مطابق کورونا وائرس کے پیش نظر آسٹریلیا نے  ویسٹ انڈیز ٹی 20 سیریز ملتوی کی ہے ، ویسٹ انڈیز کے ساتھ شیڈول ٹی 20 سیریز کا انعقاد 4 ، 6 اور 9 اکتوبر کو شیڈول تھا۔

آسٹریلین میڈیا  کے مطابق 11 اور 17 اکتوبر کے درمیان ہونے والی آسٹریلیا بھارت ٹی 20 سیریز بھی ملتوی ہوگی ۔ورلڈ کپ وارم اپ سیریز کے ملتوی ہونے کا بھی جلد اعلان ہوگا۔

کرکٹ آسٹریلیا  کا کہنا ہے کہ وارم اپ سیریز کو اب ری شیڈول ٹی 20 ورلڈ کپ کے ساتھ ترجیح دی جائے گی ۔

یاد رہے کہ 18 اکتوبر سے شروع ہونے والا ٹی20 ورلڈ کپ پہلے ہی ملتوی کیا جا چکا ہے۔