ترکی کے ایف 16 طیارے آذربائیجان پہنچ گئے

باکو (انٹرنیشنل ڈیسک) ترکی اور آذربائیجان کے درمیان فوجی مشقوں کے سلسلے میں تُرک فضائیہ کے ایف 16 طیارے آذربائیجان پہنچ گئے۔ آذربائیجان کی وزارت دفاع کی طرف سے جاری کیے گئے بیان میں بتایا گیاکہ ترک آذ عقاب 2020 ء میں شمولیت کے لیے آنے والے انقرہ کے جنگی طیاروں کا ایک تقریب میں خیر مقدم کیا گیا۔اس دوران ترکی اور آذربائیجان کا قومی ترانہ بھی سنایا گیا۔ واضح رہے کہ تُرک آذ عقاب مشقیں باکو، ناہچیوان، گینجے، کْر دیمیر اور ییولا میں 10 اگست تک جاری رہیں گی۔