سربیا: پولیس نے 71شہریوں کو گرفتار کرلیا‘ مظاہروں کا سلسلہ جاری

بلغراد (انٹرنیشنل ڈیسک) سربیا میں حکومت کی جانب سے کورونا وائرس کے تناظر میں کیے گئے لاک ڈاؤن کے خلاف مظاہروں کے دوران پولیس نے 71شہریوں کو گرفتار کرلیا۔ مقامی پولیس کا کہنا ہے کہ گرفتار کیے گئے افراد میں برطانیہ اور تیونس سے تعلق رکھنے والے شہری بھی شامل ہیں۔ واضح رہے کہ سربیا کے صدر الیگزینڈر ووچیچ نے ملک بھر میں لاک ڈاؤن کا اعلان کیا تھا،جس کے بعد منگل کے روز سے مظاہروں کاسلسلہ جاری ہے۔ واضح رہے کہ ایک روز قبل بھی پولیس اور مظاہرین کے درمیان پُرتشدد جھڑپیں ہوئی تھیں۔