حکومت کا عید پر صرف ایک چھٹی دینے کا فیصلہ

305

حکومت کی جانب سے عیدالضحی کے موقع پر صرف ایک چھٹی دیئے جانے کا امکان ہے۔

نجی ٹی وی رپورٹ کے مطابق وزیراعظم عمران خان نے ہدایت کی ہے کہ عید کے مخصوص دنوں کےعلاوہ کوئی اضافی چھٹی نہ دی جائے جس کے بعد فیصلہ کیاگیا  ہے کہ سرکاری دفاتر اور اداروں میں عید کی اضافی چھٹیاں نہیں دی جائیں گی۔

اس حساب سے چھٹیاں تو عید کے تین دن ہی ہوں گی لیکن عملی طور پر صرف جمعہ کو سرکاری ملازمین کی چھٹی ہوگی کیوں کہ ہفتہ اور اتوار تو ہفتہ وار چھٹیاں ہوتی ہیں۔

خیال رہے کہ وزیراعظم عمران خان نے اسلام آباد میں آئسولیشن اسپتال کا افتتاح کرتے ہوئے اپنے خطاب میں عوام سے عید الاضحیٰ سادگی سے منانے کی اپیل کی ہے۔