دورہ انگلینڈ سے قبل قومی اسکواڈ کی کوویڈ 19 ٹیسٹنگ مکمل

411

کراچی ( اسٹاف رپورٹر): دورہ انگلینڈ کیلئے اعلان کردہ قومی اسکواڈ کی کوویڈ 19 ٹیسٹنگ مکمل کرلی گئی۔

تفصیلات کے مطابق دورہ انگلینڈ سے قبل قومی کرکٹ ٹیم کے اعلان کردہ اسکواڈ کی کوویڈ 19 ٹیسٹنگ مکمل کرلی گئی ہے ، کھلاڑیوں اور آفیشلز کے ٹیسٹ ملک کے 4 مختلف سینٹرز میں لیے گئے۔

پاکستان کرکٹ بورڈ (پی سی بی) کے تحت کھلاڑیوں کی کوویڈ 19 ٹیسٹنگ راولپنڈی، لاہور، پشاور اور کراچی میں کی گئی۔

واضح رہے کہ تاخیر سے انگلینڈ روانگی کے سبب شعیب ملک کا کوویڈ 19 ٹیسٹ بعد میں لیا جائے گا۔

یاد رہے کہ پی سی بی تمام کھلاڑیوں کے کوویڈ 19 ٹیسٹ کے نتائج کا باضابطہ اعلان بعد میں کرے گا۔