وزیر اعلیٰ سندھ مرادی علی شاہ کا کہنا ہےکہ ماہ رمضان کے مبارک مہینے میں مساجد کے اندر باجماعت نمازوں کا اہتمام ہوگا،علماکرام نے ہمیشہ حکومت کی مدد کی ہے۔
مراد علی شاہ نے کہا کہ کچی آبادیوں میں کورونا کیسز میں اضافہ ہورہاہے، وائرس کی مقامی جگہ پر منتقلی خطرناک ہے، ہیلتھ ایڈوائزری پر عملدرآمد کرنا ہوگا۔
وزیر اعلیٰ سندھ نے تمام ڈسیز کوہدایت کی ہے کہ علاقوں کی تشخیص کرکے کورونا ٹیسٹنگ کرائی جائے، ٹیسٹنگ کٹس کی کوئی قلت نہیں ہے۔
انہوں نے مزید کہاکہ چند صنعتی اداروں کو ایس او پیز پر عمل کرتے ہوئے کھولنے کی اجازت دے چکے ہیں، عوام احتیاط کرے تو جلد اس وبا کو شکست دے سکتے ہیں۔
