کراچی : وزیر اطلاعات و بلدیات سندھ ناصرحسین شاہ کاکہنا ہےکہ یہ وقت سیاسی پوائنٹ اسکورنگ کرنے کا نہیں ہے،سندھ حکومت کی کارکردگی پر بات کرنے والوں کو شرم آنی چاہیے۔
ناصر حسین شاہ نے مزید کہا کہ سندھ حکومت کی جانب سے کورونا وائرس کے لئے کیے گئے اقدامات کو پوری دنیا نے سراہا ہے،اپوزیشن کے کچھ دوستوں سے گزارش ہے کہ وہ اپنی آنکھوں کا علاج کرائیں،اپوزیشن کے کچھ دوست خوفزدہ ہیں کہ وہ کیا منہ لے کر عوام کے درمیان جائیں گے ؟
انہوں نے مزید کہا کہ اپوزیشن، سندھ حکومت کی بہترین کارکردگی سے پریشان ہیں،اپوزیشن کے کچھ دوستوں کے آنکھوں اور کانوں کے لیے دوائی کا انتظام کرنے کا سوچ رہے ہیں۔
