سری لنکا کی جیلوں سے ہزاروں قیدی رہا

کولمبو (اے پی پی) سری لنکن حکومت کی جانب سے کورونا وائرس کے پھیلاؤ کو روکنے کے لیے تقریباً 2900 قیدیوں کو رہا کیا جا چکا ہے۔ حکام نے بتایا کہ ان قیدیوں کو ضمانت پر رہا کیا گیا ہے اور یہ سلسلہ 17 مارچ سے جاری ہے۔ سری لنکا کی اکثر جیلوں میں گنجائش سے زیادہ قیدیوں کو رکھا گیا ہے۔ سری لنکا میں کوروناکے مریضوں کی تعداد 166 ہے جبکہ اب تک 5 افراد ہلاک ہو چکے ہیں۔ سری لنکا میں 20 مارچ سے ملک گیر کرفیو نافذ ہے۔