کابل (آئی این پی) افغان سیکورٹی فورسز نے دہشت گرد تنظیم داعش کے خلاف ایک کامیاب کارروائی میں اس تنظیم کے سربراہ اسلم فاروقی کو گرفتار کرنے کا دعویٰ کیا ہے جو فاروقی مولوی عبداللہ کے نام سے بھی مشہور ہے۔ ادارہ قومی سلامتی کے مطابق اسلم فاروقی کو ایک خفیہ آپریشن میں پکڑا گیا جو دہشت گرد تنظیم کے لیے بڑا دھچکا ہے‘ اس کے ساتھ داعش کے 2 قائدین اور 19 جنگجوؤںکو بھی حراست میں لیا گیا ہے۔ اس سلسلے میں افغان خفیہ ادارہ جلد تفصیلات سے آگاہ کرے گا‘ واضح رہے کہ داعش 2015ء سے افغانستان میں اپنے قدم جمانے کی کوشش کر رہی ہے ۔
