کرونا وائرس پر قابو پانے کے امکانات کم ہورہے ہیں، عالمی ادارہ صحت

192

عالمی ادارہ صحت کا کہنا ہے کہ کرونا وائرس پر قابو پانے کے امکانات کم ہورہے ہیں۔

عالمی ادارہ صحت (ڈبلیو ایچ او) کے حکام نے خبر دار کرتے ہوئے کہا ہے کہ کرونا وائرس پر قابو پانے کے امکانات کم ہورہے ہیں،متاثرہ ممالک وبا کا پھیلائو کو روکنے میں مزید وسائل صرف کریں۔

ایران میں مرض سے اموات کی صورتحال کو انتہائی تشویشناک قرار دے دیا ہے،ایران میں کرونا وائرس سے ہلاک ہونے والے افراد کی تعداد 4 ہوگئی، ایران میں سامنے آنے والے کیسز کا مرکزقم شہر ہے۔

چین کے علاوہ 26 ممالک میں کرونا وائرس کے تصدیق شدہ کیسز کی تعداد 1152 ہوگئی جبکہ مجموعی طور پر 26 ممالک میں 8 افراد ہلاک ہوچکے ہیں۔

ڈبلیو ایچ او کے ڈاکٹر ٹیڈروس نے کہا ہے کہ چین اور دیگر ممالک کی جانب سے مرض کو پھیلنے سے روکنے کے لیے اب بھی مزید اقدامات کیے جاسکتے ہیں۔