کراچی میں بوندا باندی، سردی کی شدت میں اضافہ

کراچی کے مختلف علاقوں میں بوندا باندی اور سائبیرین یخ بستہ ہواؤں کے راج نے سردی کی شدت میں مزید اضافہ کردیا ہے۔

محکمہ موسمیات کے مطابق آج صبح شہر کے مختلف علاقوں میں بوندا باندی ہوئی جس سے سردی میں مزید اضافہ ہوگیا ہے۔

ترجمان محکمہ موسمیات کا کہنا ہے کہ ہوا میں نمی کا تناسب 30 فیصد اور حدنگاہ 5 کلو میٹر ہے۔

شہر میں آج کم سے کم درجہ حرارت 9.5 ڈگری سینٹی گریڈ ریکارڈ کیا گیا ہے۔