وفاقی وزیر سائنس و ٹیکنالوجی فواد چوہدری نے کہا ہے کہ آئندہ چند ماہ میں 10ہزار بیڑی رکشوں کا پہلا بیج سڑکوں پر آجائے گا۔
اپنے ٹوئٹر بیان میں انہوں نے لکھا کہ پاکستان کوالٹی اسٹینڈرز اس وقت بیٹری کے رکشوں کے اسٹنڈرز بنا رہا ہے، انشاللہٰ چھ سے آٹھ ماہ میں پہلا دس ہزار بیٹری رکشوں کا بیج سڑک پر آجائیگا جب کہ تین سے پانچ سالوں میں انجن والا رکشہ سڑکوں پر بین کر سکیں گے۔
پاکستان کوالٹی اسٹینڈرز اس وقت بیٹری کے رکشوں کے اسٹنڈرز بنا رہا ہے، انشاللہٰ چھ سے آتھ ماہ میں پہلا دس ہزار بیٹری رکشوں کا بیج (Badge) سڑک پر آجائیگا۔ تین سے پانچ سالوں میں انجن والا رکشہ سڑکوں پر بین (Ban) کر سکیں گے https://t.co/5ziXtvd6V8
— Ch Fawad Hussain (@fawadchaudhry) October 9, 2019
واضح رہے کہ رواں سال 30 اگست کو فواد چوہدری نے ملک میں الیکٹرانک رکشے اور موٹرسائیکل متعارف کرانے کا اعلان کرتے ہوئے کہا تھا کہ الیکٹرانک ٹیکنالوجی میں تبدیلی سے ماحول میں کاربن میں کمی آئے گی۔
وفاقی وزیر نے خود الیکٹرانک موٹرسائیکل اور رکشہ چلاتے ہوئے کہا تھاکہ پاکستان موٹر سائیکل استعمال کرنے والا دنیا کا بڑا ملک ہے۔الیکٹرانک موٹرسائیکل اور رکشے ملک کی ٹرانسپورٹ کا مستقبل ہیں، وفاقی وزیر کا مزید کہنا تھا کہ موٹر سائیکل اور رکشوں کو الیکٹرونک ٹیکنالوجی میں تبدیل کریں گے۔
وفاقی وزیر برائے سائنس اینڈ ٹیکنالوجی فواد چوہدری کا ایک اور زبردست اقدام! ملک بھر میں الیکٹرانک رکشے اور موٹر سائیکل لانے کا اعلان کر دیا! خود الیکٹرانک موٹر سائیکل اور رکشہ چلا کر بھی دکھا دیا! کہتے ہیں ماحول دوست یہ سواری اب ملک کی ٹرانسپورٹ کا مستقبل ہیں! @fawadchaudhry pic.twitter.com/lJHRA5i9eY
— Abdul Qadir (@AbdulqadirARY) August 30, 2019