پیپلز پارٹی نے بجلی کی قیمتوں میں اضافہ مسترد کردیا

53

پاکستان پیپلز پارٹی نے وفاقی حکومت کی جانب سے بجلی کی قیمتوں میں اضافہ مسترد کرتے ہوئے کہا ہے کہ حکومت اپنی معاشی ناکامیوں کا بوجھ مسلسل عوام پر ڈال رہی ہے۔

بلاول زرداری کے ترجمان سینیٹر مصطفیٰ نواز کھوکھر نے اپنے بیان میں کہا ہے کہ ٹیکس اہداف کی حصولی میں ناکامی کا بوجھ عوام پر نہیں ڈالا جا سکتا۔ حکومت اپنی معاشی ناکامیوں کا بوجھ مسلسل عوام پر ڈال رہی ہے۔

مزید پڑھیں: وفاقی حکومت نے بجلی کی قیمت میں ہوشربا اضافہ کردیا

مصطفیٰ نواز نے کہا ہے کہ مہنگائی اور افراط زر میں اضافے نے عوام کا جینا اجیرن کر رکھا ہے۔ غریب لوگوں سے دو وقت کی روٹی اور کاروباری طبقے کا کاروبار چھینا جا رہا ہے۔

انہوں نے مزید کہا ہے کہ عالمی منڈی میں تیل کی قیمتوں میں کمی کے باوجود پاکستان میں عوام کو ریلیف نہیں دیا جارہا۔

انہوں نے مطالبہ کیا ہے کہ وفاقی حکومت بجلی کی قیمتوں میں اضافہ فوری طور پر واپس لے۔