امریکا میں ایک انجنیئر نے دنیا کا سب سے چھوٹا لیپ ٹاپ تیار کرلیا جس کی اسکرین کا سائز محض ایک انچ ہے۔
دنیا کے اس مختصر ترین لیپ ٹاپ میں 300 ایم اے ایچ کی بیٹری لگی ہوئی ہے جسے چارج بھی کیا جاسکتاہے۔ اس چھوٹے سے لیپ ٹاپ میں تھنک پیڈ کی طرح لال رنگ کا ٹریک پوائنٹ کرسر کنٹرولر بھی دیا گیا ہے، اس کی خاص بات یہ ہے کہ اس میں صارفین گیم بھی کھیل سکتے ہیں۔ اس میں ٹیٹرس، لیونار، لینڈر، اسنیک اور کچھ کلاسک کارڈ گیم کھیلے جاسکتے ہیں۔
’تھنک ٹینی‘ کا سات لائن کی بورڈ 3 ڈی پرنٹر سے بنایا گیا ہے اور اس میں 14 پن اے ٹی ٹینی 1614 مائیکروکنٹرولر (20 میگا ہرٹز) ہے جو ایک چھوٹے 128×64 پکسل اولیڈ ڈسپلے سے جڑاہے۔
