لاہور: مسلم لیگ ن کی نائب صدر مریم نواز کا کہنا ہے کہ غریب کے گھر گراتے جاؤ اور سیلیکٹڈ وزیر اعظم عمران خان کا گھر ریگولرائز کراتے جاؤ۔
سماجی رابطے کی ویب سائٹ پر ٹوئٹ کرتے ہوئے مریم نواز نے وزیر اعظم کے گھر کے نقشہ کی منظوری پر تنقید کرتے ہوئے کہا کہ حکومت ایک طرف غریبوں کو گھروں سے محروم کررہی ہے تو دوسری جانب وزیر اعظم کے گھر کے نقشے منظور ہورہے ہیں۔
غریب کے گھر گراتے جاؤ اور سیلیکٹڈ کا گھر ریگولرائز کراتے جاؤ۔ https://t.co/XIbRsSxFvh
— Maryam Nawaz Sharif (@MaryamNSharif) December 20, 2020
مریم نواز نے مزید کہا کہ وزیر ریلوے اعظم سواتی کو اداروں میں عظیم اصلاحات کے لیے قوم پر مسلط کیا گیا تھا، اعظم سواتی نے آتے ہی اپنی ناکامی کا اعتراف کرتے ہوئے ریلوے نہ چلانے اور اسٹیل ملز کی طرح بند کرنے کا عندیہ دے دیا ہے۔