متحدہ عرب امارات کا خلائی مشن مریخ روانہ

متحدہ عرب امارات نے اپنے پہلے مشن “ہوپ پروب” کو مریخ  کیلئے روانہ کردیا۔

گلف نیوز کی رپورٹ کے مطابق جاپانی خلائی مرکز سے مریخ مشن ’ہوپ پروب‘ کو بھیجا گیا، یواےای کی خلائی ایجنسی اورمحمدبن راشدخلائی مرکزدبئی نےمشن مریخ کی تیاریاں مکمل کیں جبکہ متحدہ عرب امارات خلیجی عرب ممالک میں پہلا ملک ہے جس نے  اپنا خلائی مشن میریخ روانہ کیا۔

یو اے ای کی جانب سے بھیجے گئے خلائی  جہاز پر 200 ملین امریکی ڈالر خرچ ہوئے جبکہ خلائی جہاز 200دن کے بعد مریخ کے مدار میں پہنچے گا۔

Moments that make history… The Emirates Mars Mission team participates in the first Arabic countdown from Japan… The countdown that ushers a new era for Arab space exploration. #HopeMarsMission #HopeProbe pic.twitter.com/PaKk75e5F9

— Hope Mars Mission (@HopeMarsMission) July 19, 2020

‏ متحدہ عرب امارات کا مریخ پر جانے والا خلائی مشن “ہوپ” آج جاپان کے تانیگاشیما خلائی اڈے سے روانہ کیا گیا اور یہ 7 ماہ کے سفر کے بعد مریخ کے مدار میں پہنچے گا۔اس سے قبل اس کی 15 جولائی کے لیے طے شدہ لانچ کو خراب موسم کے باعث ملتوی کردیا گیا تھا۔

پچاس کروڑ کلومیٹر طویل سفر کے بعد یہ روبوٹک خلائی جہاز فروری 2021 میں مریخ تک پہنچے گا، مریخ پر اس کی آمد متحدہ عرب امارات کے قیام کی 50 سالگرہ کے موقع پر ہوگی۔