کراچی: پاکستان میں معیاری پچز کی تیاری میں مدد کیلئے انٹرنیشنل کرکٹ کونسل (آئی سی سی) کے کنسلٹینٹ برطانوی ماہر کیوریٹر اینڈی ایکٹنسن کراچی پہنچ گئے۔
انٹررنیشنل کرکٹ کونسل کے کنسلٹینٹ کیوریٹر نے نیشنل اسٹیڈیم کراچی میں پچز کا معائنہ کیا اور اسٹیڈیم میں موجود خستہ سامان پر بھی حیرت کا اظہار کیا۔
پاکستان کرکٹ بورڈ (پی سی بی) کیلئےمعیاری پچز کی تیاری ہمیشہ سے ہی ایک چیلنج رہی ہےجس کی وجہ سے معیاری پچز بنانے کیلئےبرطانوی ماہر کیوریٹر اینڈی ایکٹنسن کراچی آئے ہیں۔
#ICC Pitch Consultant #AndyAtkinson visited the National Stadium Karachi to assess the pitches at the venue.
Andy will also supervise a workshop with the #NSK groundstaff.#Karachi #CricketComesHome
P.C: @TheRealPCB pic.twitter.com/wx472ic38m
— Cric Mindz (@CricMindz) January 4, 2020
غیر ملکی کیوریٹر نے نیشنل اسٹیڈیم کی پچز کا معائنہ کرنے کے بعد گراؤنڈ اسٹاف سے ملاقات کی اور اسٹیڈیم میں وکٹوں کی تیاری کیلئےرکھے گئے خستہ حال سامان پر شدیدحیرت کا اظہار کیا ۔
کراچی کے بعد غیر ملکی کیوریٹر ملتان، راول پنڈی اور لاہور سینٹرز کا دورہ کریں گے اور پچز کے بارے میں پاکستان کرکٹ بورڈ کو اس حوالے سے تفصیلی رپورٹ اور تجاویز دیں گے کہ ان کی کوالٹی میں کس طرح بہتری لائی جا سکتی ہے۔
واضح رہے کہ اینڈی پہلی بار 2001ء میں پاکستان آئے تھے، وہ اس سےقبل 2004ء ا ور 2006ء میں بھارت کی سیریز کیلئےپاکستان آچکے ہیں۔