کوئٹہ سمیت بلوچستان کے مختلف علاقوں پشین ،قلعہ عبداللہ ،چمن اورنوشکی میں زلزلے کے جھٹکے محسوس کئے گئے ۔
زلزلہ پیما مرکزکے مطابق منگل کی صبح 5 بجکر 36 منٹ پر صوبائی دارالحکومت کوئٹہ سمیت بلوچستان کے مختلف علاقوں میں زلزلے کے جھٹکے محسوس کئے گئے۔
ریکٹر سکیل پر زلزلے کی شدت 5اعشاریہ 4ریکارڈ کی گئی ، زلزلے کی زیر زمین گہرائی 35 کلو میٹر اور مرکز کوئٹہ سے 150 کلو میٹر دور جنوب مغرب میں تھا ۔
کوئٹہ کے علاوہ پشین ، قلعہ عبداللہ، نوشکی، چمن ،چاغی اور دیگر علاقوں میں بھی محسوس کئے گئے تاہم کہیں سے جانی نقصان کی اطلاع نہیں ملی ۔ زلزلے کے وقت لوگ سحری ختم ہونے کے بعد نماز فجر کی ادائیگی میں مصروف تھے۔ زلزلے سے خوف زدہ ہو کر لوگ گھروں سے باہر نکل آئے۔