پنجاب میں مزید بارشوں کا الرٹ جاری

لاہور: پروونشل ڈیزاسٹر مینجمنٹ اتھارٹی (پی ڈی ایم اے) نے پنجاب بھر میں مزید بارشوں کا الرٹ جاری کر دیا۔

ڈی جی پی ڈی ایم اے عرفان علی کے مطابق 18 تا 21 اپریل پنجاب بھر میں گرج چمک کے ساتھ طوفانی بارشیں اور تیز ہوائوں کے امکانات ہیں۔

عرفان علی کا کہنا ہے کہ واسا، پنجاب پولیس اور سول ڈیفنس کو بھی موسمی صورتِ حال پر الرٹ جاری کر دیا گیا۔

ان کا مزید کہنا تھا کہ پی ڈی ایم اے کنٹرول روم 24 گھنٹے فعال ہے۔