کراچی: محکمہ ٹرانسپورٹ سندھ نے صوبائی وزیر شرجیل میمن کی ہدایات پر کراچی میں اضافی کرایہ وصول کرنے والے ٹرانسپورٹرز پر 7 لاکھ 32 ہزار روپے جرمانہ عائد کر دیا۔
میڈیا رپورٹس کے مطابق محکمہ ٹرانسپورٹ نے اضافی کرایہ وصول کرنے والے ٹرانسپورٹرز کے خلاف کارروائی کرتے ہوئے 22 لاکھ 85 ہزار روپے کی رقم مسافروں کو واپس کردی، مہم کے دوران 1012 گاڑیاں چیک کی گئیں۔
صوبائی وزیر نے کہا ہے کہ منصفانہ کرائے کی وصولی کو یقینی بنانا سندھ حکومت کی ترجیح ہے، مسافروں کے ساتھ ناانصافی کرنے والوں کو معاف نہیں کیا جائے گا، مہم کا مقصد مسافروں کو درپیش پریشانیوں اور دشواریوں کا خاتمہ ہے۔
خیال رہے کہ روڈ ٹرانسپورٹ اتھارٹی کے افسران موٹروے پولیس، ٹریفک پولیس اور ڈسٹرکٹ پولیس کے تعاون سے کارروائیاں کر رے ہیں۔