اسلام آباد:ملک میں ایک ہفتے کے دوران غیر ملکی زرمبادلہ کے ذخائر میں 85 کروڑ 20 لاکھ ڈالر کا اضافہ ہو گیا۔
اسٹیٹ بینک کے مطابق 85 کروڑ 20 لاکھ ڈالر کے اضافے کے بعد غیر ملکی زرمبادلہ کے ذخائر کی مجموعی مالیت 12 ارب 85 کروڑ 57 لاکھ ڈالر ہوگئی۔
اس طرح دیگر بینکوں کے پاس 5 ارب 9 کروڑ ڈالرز اور اسٹیٹ بینک کے پاس 7 ارب 75 کروڑ ڈالر کے ذخائر موجود ہیں۔
واضح رہے کہ ایک طویل عرصے سے زرمبادلہ کے ذخائر تسلی بخش سطح تک نہیں پہنچ سکے، یکم دسمبر کو ختم ہونے والے ہفتے کے دوران 23 کروڑ 70 لاکھ ڈالر کم ہو کر 12 ارب ڈالر 10 کروڑ ڈالر رہ گئے تھے۔ان میں سے کمرشل بینکوں کے پاس 5 ارب 9 کروڑ جبکہ اسٹیٹ بینک کے پاس 7 ارب ڈالر کے ذخائر موجود ہیں۔
