لاہور:پاکستان تحریک انصاف کی رہنما مسرت جمشید چیمہ نے کہا ہے کہ ایک طرف ملک دیوالیہ ہونے والا ہے اوردوسری طرف چیئرمین پی ٹی آئی عمران خان پر حملے کی تحقیقات کرنے والی جے آئی ٹی پر دبائو ڈالا جا رہا ہے۔
سماجی رابطے کی ویب سائٹ ٹوئٹرپر اپنے بیان میں مسرت جمشید چیمہ کا کہنا تھا کہ جے آئی ٹی کے ارکان کو متنازعہ بیانات دینے پر مجبور کیا جا رہا ہے اور اس طرح کی کارروائیوں سے صاف ظاہر ہوتا ہے کہ اس سازش میں شریک لوگ کتنے طاقتور ہیں۔
ایک طرف ملک دیوالیہ ہونے والا ہے دوسری طرف چئیرمین پر حملے کی تحقیقات کرنے والی JIT پر دباؤ ڈالا جا رہا ہے اور ممبران سے متنازعہ بیانات دلوائے جا رہے ہیں. ایسی حرکات ثابت کر رہی ہیں کہ اس سازش میں شریک لوگ کتنے طاقتور ہیں. https://t.co/6utTWwLogd
— Musarrat Cheema (@MusarratCheema) January 22, 2023
انہوں نے مزید کہا کہ پی ٹی آئی نے اتوار کو لاہور کے این اے 121 میں بڑھتی مہنگائی کے خلاف احتجاج اور ملک میں قبل از وقت انتخابات کا مطالبہ کرنے کے لیے جلسہ کرنے کا منصوبہ بنایا تھا۔
