لندن (انٹرنیشنل ڈیسک) برطانیہ میں رواں برس ابتدائی 5 ماہ کے دوران ریکارڈ 9 ہزار غیر قانونی تارکین وطن رودبارِ انگلستان عبور کرکے داخل ہونے میں کامیاب ہو گئے۔ ذرائع ابلاغ کے مطابق یورپی یونین چھوڑنے کے بعد سے برطانیہ اپنی امیگریشن قوانین کو سخت کرنے پر عمل پیرا ہے۔ حال ہی میں برطانوی پارلیمان نے غیرقانونی امیگریشن کے خلاف سخت قوانین کی منظوری دی تھی، جن کے تحت اب غیرقانونی طریقے سے برطانیہ آنے والے مہاجرین کو افریقی ملک روانڈا منتقل کردیا جائے گا۔ تاہم ان اقدامات کے باوجود تارکین بڑی تعداد میں برطانیہ کا رخ کررہے ہیں۔
